Tarihte Bayezid SancağıTelgrafnâme

HakaN

DH. MUİ. 127/39_1

Dâhiliye Nezâreti

Muhâberât-i Umûmiye Dâiresi

Şu´be:

3240

Târîh-i Tebyîz: 24 Ağustos [1]326

Telgrafnâme

Erzurum Vilâyetine

Bâyezîd Sancağı fukarâ-yı zürrâ´ının kıllet-i mahsûlâtdan ve bu sene hayvânâtca vukû´ bulan telefâtdan dolayı akvât-ı yevmiyyelerini tedârikden âciz ve mu´âvenet-i hükûmete muhtâc kaldıkları Ermeni Patrikliği'nden ifâde olunmakla derece-i ihtiyâcın ve bu bâbdaki mütâla´anın inbâsı.

DH. MUİ. 127/39_2

Patrikhâne-i Millet-i Ermeniyân

İstanbul

498

Dâhiliye Nezâreti Cânib-i Âlîsine

Ma´rûz-ı Dâ´îleridir

Erzurum Vilâyeti'nin Bâyezîd Sancağı'nın kazâ ve karyeler ahâlîsi tedârik-i esbâb-ı ma´îşetleri husûsunda müşkilâta dûçâr olmuş iken bu senenin mahsûlât[ın]ın nedreti ve adem-i kifâyeti üzerine bir de zuhûr eden bir sârî hastalıkdan dolayı hayvânâta azîm telefât vukû´ bulduğu ve zirâ´at ve felâhatle bi'l-iştigâl te´ayyüş edebilecek olan bir haylî ahâlî akvât-ı rûz-merre tedârikinden âciz ve i´âneye kemâliyle muhtâc hâlde bulundukları mahallinden patrikhâneye irsâl olunan bir varaka-i mahsûsada ifâde ve byân olunmuş olduğundan arz u beyânıyla ahâlî-i âfet-zedegânın tehvîn ü tedârik-i esbâb-ı ma´îşetleri zımnında îcâbı icrâ buyurulmak istirhâmına ibtidâr kılındı. Ol bâbda ve her hâlde emr u fermân hazreti men lehü'l-emrindir.

25 Şa´bân [1]328/17 Ağustos [1]327

E'd-dâ´î

Mühür

DH. MUİ. 127/39_3

Telgrafnâme
Sıra Numarası Vâsıta Merkezi Târih Tekraren Keşîde veyâ Sevk Sevk Numarası
195 16 Eylül 1326 16 Eylül [1]326 486
Mahreci: Erzurum Numara: 27719

Dâhiliye Nezâret-i Celîlesine

25 Ağustos [1]326 târih ve altı yüz otuz altı numaralı telgrafnâme-i âcizîye zeyldir. Bu sene feyz ve bereket sâbıkından fazla olup ba´zı kurâdâ zuhâr eden vebâ-i bakarînin zâyi´âtı umûr-ı zirâ´ati muûattal edecek derecede olmadığı cihetle ihtiyâcdan dolayı şimdiye kadar hükûmete mürâca´at vukû´ bulmadığı ve şu hâlde oradan Ermeni Patrikliği'ne mürâcaûat; bu vesîle ile i´âne koparmak fikrine müstenid olmak lâzım geleceği Bâyezîd Mutasarrıflığı'nın iş´âr-ı cevâbiyyesi üzerine ma´rûzdur.

16 Eylül 81]326

Erzurum Vâlîsi Celâl